21-февраль - Дидед ч1аларин югъ!

Малум  тирвал, 2000-йисуз «Юнеескоди» акъуднавай къараралди 21-февраль дидед ч1алан международный югъ яз малумарнава. И йикъаз талукь яз чи школада еке мярекат кьиле тухвана. Адан метлеб лезги ч1ал ва культура хуьн ва вилик тухун я. Мярекатдин иштиракчияр 5-11 классдин аялар тир. Серенжем кьиле тухвайди лезги ч1аларин муаллим Эсли Серкеровна я. 
И мярекатдал ИЗО-дин муаллим Ибадуллах Сабировича аялриз вичин ктаб "Руьгьдин гьисер"  къалурна, ва гьар са шиир гьик1 арадал атанат1а суьгьбет авуна. Чи школадин активистри Ибадуллах С. ктабдай "Ч1ал хуьх!" шиир чаз к1елна. Буюр таниш хьухь.
Хайи ч1ал гьар садан намус я. «Ч1ал ава - халкь ава, ч1ал авач - халкьни авач».